පැතුම් නිස්සංක ලොකු පිම්මක් පනී

ජාත්‍යන්තර ක්‍රිකට් කවුන්සිලය (ICC) විසින් ප්‍රකාශයට පත්කළ නවතම ටෙස්ට් පිතිකරුවන් ශ්‍රේණිගතකිරීමහි ශ්‍රී ලංකා ආරම්භක පිතිකරු පැතුම් නිස්සංක 17වන ස්ථානයට පැමිණ ඇත.

ඔහු 31වන ස්ථානයේ සිට ස්ථාන 14ක් ඉදිරියට පැමිණ මෙම ස්ථානයේ රැඳී සිටියි.

මෙලෙස ඔහු ඉදිරියට පැමිණ ඇත්තේ බංග්ලාදේශයට එරෙහි ටෙස්ට් තරගාවලියේ දැක් වූ සුවිශේෂී දක්ෂතා හේතුවෙනි.

එහිදී ඔහු පළමු තරගයේදී ලකුණු 187ක් හා දෙවන තරගයේදී ලකුණු 158ක් ලෙස තරග දෙකේදීම ශතක රැස්කළේය.

ඒ හේතුවෙන් තරගාවලියේ වීරයා ලෙසද ඔහු සම්මාන දිනාගත්තේය.

එංගලන්තයේ ජෝ රූට් මෙහි පෙරමුණේ පසුවන අතර, එංගලන්තයේම හැරී බෘෘක් 2වන ස්ථානයේ පසුවෙයි.

කේන් විලියම්සන්ට තෙවන ස්ථානය හිමිව ඇත.