සතියක කාලයක් තවකාලිකව නවතා දැමූ ඉන්දීය ප්‍රිමියර් ලීග් තරගාවලිය අද (17) යළි ආරම්භ වුණා.
කෙසේ වෙතත් තරගාවලිය සඳහා එක්ව සිටි විදෙස් ක්‍රීඩකයින් බොහෝ දෙනෙක් යළි ඔවුන්ගේ රටවල් වෙත පිටත්ව ගොස් ඇති අතර, ඇතැම් ක්‍රීඩකයින් යළි තරගාවලිය සඳහා එක් නොවන බව දන්වා තිබෙනවා.
එවන් තත්ත්වයක වෙනත් විදෙස් ක්‍රීඩකයින් තම කණ්ඩායම් වෙත එක්කර ගැනීමට අයි.පී.එල් කණ්ඩායම්වල හිමිකරුවන් කටයුතු කර තිබෙනවා.
මේ අතර මෙවර තරගාවලිය සඳහා ශ්‍රී ලංකා ක්‍රීඩක කුසල් මෙන්ඩිස්ට ද එක්වීමට අවස්ථාව උදාවී ඇත්තේ ගුජරාට් කණ්ඩායම නියෝජනය කරන ජෝෂ් බට්ලර් එංගලන්ත ජාතික කණ්ඩායම සමඟ එක්වීමට තරගාවලියෙන් ඉවත්වීමට තීරණය කිරීමත් සමඟයි.
ඒ, අනුව පාකිස්ථාන සුපර් ලීග් තරගවලිය ක්රීඩා කරමින් සිටි මෙන්ඩිස් එම තරගාවලියෙන් ඉවත්ව ගුජරාට් ටයිටන්ස් කණ්ඩායම සමඟ අයි.පී.එල් ක්රීඩා කිරීමට ගිවිසුම් ගතව සිටිනවා.
මේ අතර පාකිස්ථාන සුපර් ලීග් තරගවලියෙන් ඉවත්ව යළි ශ්‍රී ලංකාවට පැමිණි මෙන්ඩිස් ඔහුගේ ක්රීඩා උපකරණ අඩංගු බෑගය පාකිස්ථානයේ දමාවිත් ඇති බවයි වාර්තා වුණේ.
ඔහු එම ක්රීඩා උපකරණ අඩංගු බෑගය යළි ලබාගැනීමට උත්සාහ කර ඇති අතර එම අවස්ථා කිහිපයක්ම ව්‍යාර්ථ වූ බවයි මෙන්ඩිස් පවසන්නේ.
කෙසේ වෙතත් පාකිස්ථානයේ සිටින ශ්‍රී ලාංකිකයෙක් විසින් ඉස්ලාමාබාදයට ගොස් තම ක්රීඩා උපකරණ අඩංගු බෑගය ද රැගෙන ශ්‍රී ලංකාවට පැමිණ එය තමන් වෙත භාරදුන් බවයි මෙන්ඩිස් සිය ඉන්ස්ටග්‍රෑම් ගිණුමේ සටහනක් තබමින් පවසා ඇත්තේ.
.png)
.jpg)
Social Plugin