ටෙස්ට් ක්‍රිකට් ක්‍රීඩාවේ ස්වර්ණමය අවස්ථාවක් වියාන් මුල්ඩර්ට මඟ හැරෙයි! ලකුණු 367ක ඉනිමක්!


දකුණු අප්‍රිකා කණ්ඩායම හා සිබ්බාබ්වේ කණ්ඩායම සමඟ මේ වන විට පැවැත්වෙන ටෙස්ට් තරගයේදී ලකුණු 350 සීමාව ඉක්මවා යාමට දකුණු අප්‍රිකා ක්‍රීඩක Wiaan Mulder සමත් වුණා.

ඒ අනුව දකුණු අප්‍රිකාව වෙනුවෙන් වාර්තා කළ වැඩිම ටෙස්ට් ලකුණු වාර්තාව තමන් සතු කර ගැනීමටද ඔහු සමත් වුනා.

ඔහු පන්දු 334 ක් තුළ නොදැවී ලකුණු 367 ක් වාර්තා කළ අතර, ඒ සඳහා හයේ පහර 04 ක් හා හතරේ පහර 49 ක් ඇතුළත් වුණා.

දෙවන දිනය වන අද දිනයේ දිවා විවේකයෙන් පසු දකුණු අප්‍රිකානු පළමු ඉනිම අත්හිටවනු ලැබුණු අතර, ඔවුන් ඒ වන විට කඩුලු 05 ක් දැවී ලකුණු 626 ක් ලබා සිටියා.