එංගලන්ත කණ්ඩායම ඉන්දියාව පරදා තියුණු ජයක් ලබයි

එංගලන්ත කණ්ඩායම සහ ඉන්දීය කණ්ඩායම අතර පැවැති තෙවැනි ටෙස්ට් තරගයෙන් ලකුණු 22ක තියුණු ජයක් ලබාගැනීමට එංගලන්තය කණ්ඩායම අද (14) සමත් විය.

තරගයේ පස්වැනි සහ අවසන් දිනය අද අරඹන විට ලකුණු 193ක ඉලක්කයක් හඹා යන ඉන්දීය කණ්ඩායම සිය දෙවන ඉනිම සඳහා කඩුලු 4ක් දැවී ලකුණු 54ක් ලබා සිටියා.

ඒ අනුව ඉන්දීය කණ්ඩායමට ජයග්‍රහණය සඳහා ලකුණු 139ක් අවශ්‍ය සිටි අතර එංගලන්ත කණ්ඩායමට අවශ්‍යව තිබුණේ කඩුලු 6ක් පමණි.

අද දිනය ආරම්භයේ සිට ඉන්දීය කණ්ඩායමට ප්‍රබල පීඩනයක් එල්ල කළ එංගලන්ත පන්දු යවන්නන් ලකුණු 105ක් තුළ තවත් කඩුලු 5ක් දවා ගැනීමට සමත් විය.

හුදෙකලා සටනක නිරත වූ රවීන්ද්‍ර ජඩේජා මෙම තරගයේදී අර්ධ ශතකයක් රැස් කරමින් නොදැවී ලකුණු 161ක් රැස් කළේය.

අවසන් කඩුල්ල ලෙස මොහොමඩ් සිරාජ් දැවී යාමත් සමග එංගලන්ත පිල ලකුණු 22ක තියුණු ජයක් වාර්තා කළේය.

ඒ අනුව මෙම තරගය ලකුණු 22කින් ජය ගත් එංගලන්තය තුන්වැනි ටෙස්ට් තරගය ජය ගත්තේය.

මෙම ජයත් සමග එංගලන්තය තරග 5කින් සමන්විත මෙම තරගාවලියේ 2ට 1ක් ලෙස පෙරමුණ  හිමි කර ගත්තේය.